Спортшыларды, соның ішінде жоғары жетістіктер спорты саласындағы спортшыларды тәрбиелеуге және даярлауға бөлінген бюджет қаражатының пайдаланылу тиімділігіне мемлекеттік аудитінің қорытындылары туралы пресс-релиз

2025 жылғы 19 наурызда Солтүстік Қазақстан облысы бойынша Тексеру комиссиясының отырысында спортшыларды, соның ішінде жоғары жетістіктер спорты саласындағы спортшыларды тәрбиелеуге және даярлауға бөлінген бюджет қаражатының пайдаланылу тиімділігіне мемлекеттік аудиттің қорытындылары қаралды.

Мемлекеттік аудитпен 3 899 161,5 мың теңге қамтылды.

Жүргізілген аудиторлық іс-шараның қорытындысы бойынша белгіленген қаржылық бұзушылықтардың жалпы сомасы 3 232,8 мың теңгені құрады, оның ішінде: қалпына келтіруге жататын – 2 793,5 мың теңге (86,4%), бюджет кірісіне өтеуге - 439,3 мың теңге (13,6%), сонымен қатар, аудитпен бюджеттің шығыны 1085,1 мың теңге анықталды. Сондай-ақ, рәсімдерді орындау тәртібінің 3 бұзушылығы анықталды.

Аудит объектілері бухгалтерлік есеп және қаржылық есептілікті жасау туралы заңнаманы бұзуға жол берді (Бухгалтерлік есеп туралы заң, Бухгалтерлік есепті жүргізу ережесі, Қаржылық есептілікті жасау ережесі), сондай-ақ еңбекақы, сыйлықақылар, қосымша ақылар мен үстемеақылар, іссапар шығыстарын төлеу бойынша және т.б бұзушылықтар анықталған.

Бұзушылықтарға мемлекеттік аудит объектілерінің лауазымды тұлғаларының Қазақстан Республикасының қолданыстағы заңнамасын сақтамауы себеп болды.

Мемлекеттік аудит қорытындысы бойынша 3 лауазымды тұлға ескерту түрінде тәртіптік жауапкершілікке, 1 лауазымды тұлға әкімшілік жауапкершілікке тартылды.

Мемлекеттік аудит нәтижелерін қарау қорытындысы бойынша Солтүстік Қазақстан облысы бойынша Тексеру комиссиясының Қаулысы бекітілді.