«Аялдама павильондары мен тротуарларды жайластыруға бөлінген бюджет қаражатын пайдаланудын мемлекеттік аудитінің қорытындылары туралы»
Пресс-релиз аялдама павильондары мен тротуарларды жайластыруға бөлінген бюджет қаражатын пайдаланудың мемлекеттік аудитінің қорытындылары туралы.
2024 жылғы 30 мамырда Солтүстік Қазақстан облысы бойынша Тексеру комиссиясының отырысында аялдама павильондары мен тротуарларды жайластыруға бөлінген бюджет қаражатын пайдаланудың мемлекеттік аудитінің қорытындылары қаралды.
Жүргізілген аудиторлық іс-шараның қорытындысы бойынша аудитпен белгіленген қаржылық бұзушылықтардың жалпы сомасы 30 058,5 мың теңгені құрады, ол қалпына келтіруге жатады. Аудит барысында сома толық көлемде қалпына келтірілді.
Бюджет қаражатын тиімсіз пайдалану сомасы-3 282,9 мың теңге. Мемлекеттік аудит барысында рәсімдерді орындау тәртібінің 10 бұзылуы және аудит объектісінің қызметінде 1 кемшілік анықталды.
Аудит объектісі Мемлекеттік сатып алу, бухгалтерлік есеп және қаржылық есептілік туралы заңнаманы және т. б. бұзушылықтарға жол берді.
Қазақстан Республикасының "Әкімшілік құқық бұзушылық туралы" Кодексіне сәйкес шаралар қабылдау үшін Әкімшілік құқық бұзушылық белгілері бар 2 материал Солтүстік Қазақстан облысы бойынша ішкі мемлекеттік аудит департаментіне жіберілді.
Мекеме басшысына қаржылық тәртіпті нығайту, бюджет қаражатын жоспарлау мен пайдаланғаны үшін жауапкершілікті арттыру жөніндегі жұмысты күшейту тапсырылды. Сондай-ақ кадр саясатын жетілдіру бойынша жұмыс жүргізу, анықталған бұзушылықтарды болдырмау мақсатында Қазақстан Республикасының заңнамасындағы өзгерістер бойынша тұрақты негізде техникалық оқу жүргізу, жаңадан қабылданатын нормативтік-құқықтық актілерді зерделеу.
Аудит объектісіне ұсыныстар жолданды, жаңа аялдама павильондары орнатылған жағдайда жолаушыларды тасымалдаудың бекітілген ережелеріне сәйкес аялдамалар арасындағы қашықтық нормаларын сақтау, сондай-ақ анықталған бұзушылықтарды жою туралы нұсқама жолданды.
Мемлекеттік аудит нәтижелерін қарау қорытындысы бойынша Солтүстік Қазақстан облысы бойынша Тексеру комиссиясының қаулысымен аудиторлық қорытынды бекітілді.
Тексеру комиссиясының мүшесі М.Ж. Ебжанов
