«Спорт саласындағы жекелеген бағыттар бойынша бөлінген бюджет қаражатын пайдалану тиімділігінің мемлекеттік аудитінің қорытындылары туралы»

Спорт саласындағы жекелеген бағыттар бойынша бөлінген бюджет қаражатын пайдалану тиімділігінің мемлекеттік аудитінің қорытындылары туралы пресс-релиз 

2024 жылғы 30 мамырда Солтүстік Қазақстан облысы бойынша Тексеру комиссиясының отырысында спорт саласындағы жекелеген бағыттар бойынша бөлінген бюджет қаражатын пайдалану тиімділігінің мемлекеттік аудитінің қорытындылары қаралды.

Жүргізілген аудиторлық іс-шараның қорытындысы бойынша белгіленген қаржылық бұзушылықтардың жалпы сомасы 2 526,0 мың теңгені құрады, оның ішінде: қалпына келтіруге жататын – 2 372,1 мың теңге, бюджет кірісіне өтеуге-153,9 мың теңге. Тұрақсыздық айыбының жалпы сомасы 16,3 мың теңгені құрады. Сондай-ақ, рәсімдерді орындау тәртібінің 35 бұзушылығы анықталды.

Аудиторлық іс-шараның қорытындысы бойынша жергілікті бюджетке – 153,9 мың теңге өтелді, бухгалтерлік есеп бойынша – 2 372,1 мың теңге қалпына келтірілді.

Аудит объектілері жалақы, үстемеақылар, іссапар шығыстары, жанар-жағармай материалдарын есептен шығару, мемлекеттік сатып алу туралы заңнама, бухгалтерлік есеп және қаржылық есептілік және т.б. бойынша бұзушылықтарға жол берді.

Жүргізілген мемлекеттік аудит нәтижелері бойынша мемлекеттік аудит объектілерінің 8 лауазымды тұлғасы тәртіптік жауапкершілікке тартылды.

Қазақстан Республикасының 2014 жылғы 5 шілдедегі №235-V ҚРЗ «Әкімшілік құқық бұзушылық туралы» Кодексіне сәйкес (бұдан әрі - ҚР ӘҚБтК), шаралар қабылдау үшін Әкімшілік құқық бұзушылық белгілері бар 72 материал Солтүстік Қазақстан облысы бойынша ішкі мемлекеттік аудит департаментіне жіберілді.

Аудиторлық іс-шараның қорытындысы бойынша Тексеру комиссиясының отырысын өткізу кезінде ҚР ӘҚБтК 811-бабының 1-бөлігіне сәйкес, 50% мөлшерінде 996,9 мың теңге айыппұлдардың жалпы сомасына 5 лауазымды тұлға (13 хаттама) әкімшілік жауапкершілікке тартылды.

Мемлекеттік аудит объектілерінің басшыларына қаржылық тәртіпті нығайту, бюджет қаражатын жоспарлау мен пайдаланғаны үшін жауапкершілікті арттыру жөніндегі жұмысты күшейту тапсырылды. Сондай-ақ кадр саясатын жетілдіру бойынша жұмыс жүргізу, анықталған бұзушылықтарды болдырмау мақсатында Қазақстан Республикасының заңнамасындағы өзгерістер бойынша тұрақты негізде техникалық оқу жүргізу, жаңадан қабылданатын нормативтік-құқықтық актілерді зерделеу.

Мемлекеттік аудит нәтижелерін қарау қорытындысы бойынша Солтүстік Қазақстан облысы бойынша Тексеру комиссиясының қаулысы аудиторлық қорытындыны бекітті.

Тексеру комиссиясының мүшесі