Биыл «Ertis Promenade» маусымының ашылуын қаланың талантты тұрғындарының қатысуымен өткізу жоспарлануда.
Павлодар қаласының мәдениет және тілдерді дамыту бөлімі «Караоке PVL» халықтық байқауын жариялады.
Оған өтінім берген облыс орталығының 18-ден жоғары жастағы тұрғындары қатыса алады.
Іріктеу кезеңі 11-12 мамырда сағат 11:00-де Астана көшесі, 156 мекенжайында орналасқан "Колос" мәдениет үйінде, өтеді.
Байқау финалы да осы жерде 18 мамыр күні сағат 11:00-де өтпек.
Байқау жеңімпаздары естелік сыйлықтармен марапатталып, «Ertis Promenade» маусымының ашылуында өнер көрсету мүмкіндігіне ие болады.
Өтінімдер Павлодар қаласы, Астана көшесі, 156 мекенжайында, сондай-ақ, kolos_pvl@mail.ru электронды поштасы арқылы қабылданады. Байланыс телефоны: 61-82-10.