Ірі қара мал мен ұсақ мал экспортына квоталардың қайтарылуы жөнінде

Қазақстан Республикасының Ауыл шаруашылығы министрлігімен «Сандық шектеулер (квоталар) енгізілген кезде тауарлардың жекелеген түрлерінің экспортына және (немесе) импортына лицензия беру» мемлекеттік көрсетілетін қызмет шеңберінде бұқашықтар мен қошқарлардың экспортына квоталарды бөлуді жүзеге асырады. Бордақылау алаңдары үшін квоталарды бөлу қорытындылары туралы ақпарат Министрліктің сайтында 2024 жылғы 12 наурызда орналастырылды. Жоғарыда айтылғандай, бүгінгі күні бордақылау алаңдары санаты бойынша квоталар таусылды, барлығы 29 986 бас ірі қара малға квоталар берілді (қалғаны – 14 бас), өтініш берушілерге Е-лицензиялау порталында 14 бастан астам лицензия алуға өтінім беру кезінде себебі көрсетілген бас тарту берілуде.

Бұл ретте, Министрлік 04.05.2024 ж. жағдай бойынша көрсетілетін қызметті алушылардың өтініштері бойынша бұрын берілген ІҚМ экспортына лицензиялардың қолданылуы тоқтатылғанын, оның шеңберінде 2 380 бас ІҚМ-ға, оның ішінде бордақылау алаңдары санаты бойынша – 1 380 бас ІҚМ-ға квоталар берілгенін хабарлайды.

Ұсақ мал экспортына бұрын берілген лицензиялардың қолданысы тоқтатылды, оның шеңберінде 1 457 басқа, оның ішінде бордақылау алаңдары санаты бойынша – 957 басқа квоталар берілді.

Осыған байланысты, қолданысы тоқтатылған лицензиялардың шеңберінде пайдаланылмаған квоталар квоталардың жалпы лимитіне қайтарылғандығын хабарлаймыз.